Fréttir

Matgæðingur vikunnar í tbl. 6 fékk áskorun frá vinkonu sinni, Kristey Rut, en það er körfuboltasnillingurinn Inga Sólveig Sigurðardóttir frá Sauðarkróki. Gaman er að segja frá því að Inga Sólveig var nú á dögunum að skrifa undir samning við Tindastól fyrir komandi átök í haust. Inga Sólveig og kærastinn hennar, Almar Atli Ólafsson frá Litla-Felli á Skagaströnd, búa á Króknum. Almar Atli starfar hjá Þ. Hansen en Inga Sólveig stundar nám í hjúkrunarfræði við Háskólann á Akureyri.

Nú eru að verða liðin tíu ár frá síðasta Landsmóti hestamanna á Hólum og varla nema rétt rúm vika þar til fyrstu knapar leiða fram hesta sína á LH 2026 á Hólum. Það er ekki laust við að tilhlökkun og eftirvænting liggi í skagfirska loftinu. Það liggur því beint við að fá Áskel Heiðar Ásgeirsson, framkvæmdastjóra mótsins, reynslubolta og kennara í viðburðahaldi, til að segja lesendum frá stöðu mála en viðtalið var tekið um miðjan júní.

Eru ekki flestir að reyna að borða hollt og gott í sumar? Allir á fullu í ræktinni og eru aldeilis búnir að setja sér markmið með að skafa af sér aukakílóin? Þá er kominn tími á að Feykir mæli með tveimur hollum og góðum réttum fyrir þá sem hafa áhuga á að prufa eitthvað nýtt í kvöldmatinn. Fyrri uppskriftin er matarmikil og bragðgóð súpa og seinni uppskriftin sameinar það besta úr íslenskri náttúru og mexíkóskri matargerð. Uppskriftirnar eru af mbl.is sem og myndirnar.

Tónleikarnir Græni salurinn verða haldnir á morgun, laugardaginn, 27. júní í Bifröst en þeir litu fyrst dagsins ljós fyrir rúmum 20 árum en ‏á hétu ‏þeir VSOT, Viltir svanir og tófa. Feykir heyrði í Sigfúsi Arnari Benediktssyni gítarleikara í hljómsveit Árna Finnssonar og einum að skipuleggjendum tónleikana.

Undanfarnar vikur hafa hestamannafélög um land allt verið að halda úrtökumót til að velja fulltrúa sína á Landsmótið að Hólum sem hefst 5. júlí næstkomandi. Félögin á Norðurlandi vestra hafa gengið frá sínum keppendalistum ogná sjá þá hér í fréttinni.

Í rigningunni í gær, fimmtudaginn 25. júní mættust Tindastóls og Sindra úr Höfn í Hornafirði í tíundu umferð 3. deildar karla. Leikurinn endaði 4-2 fyrir heimamenn og Matheus Bettio Gotler með tvennu.

Talsverð umræða hefur skapast í kjölfar Króksmóts stúlkna sem fram fór á Sauðárkróki um liðna helgi. Þátttaka á mótinu var dræm svo ekki sé meira sagt en aðeins 27 lið frá sex félögum mættu til leiks að þessu sinni en liðin hafa jafnan verið í kringum 100 og mest 118. Fækkun varð í fyrra en þá tóku 68 lið þátt. Þessi knattspyrnumót eru jafnan mikilvæg tekjulind fyrir félögin og skipta oft höfuðmáli í starfseminni fyrir utan hvað þau eru skemmtileg og gefandi. Nú virðist sem stóru klúbbarnir sæki í sífellt stærri bita af kökunni. Feykir heyrði hljóðið í Guðbjörgu Óskarsdóttur mótsstjóra Króksmótsins sem og Eysteini Pétur Lárussyni framkvæmdastjóra KSÍ.

Nóg er um að vera á Norðurlandi vestra þessa dagana. Núna um helgina verða alls kyns viðburðir og hátíðir, Græni salurinn í Bifröst, HIP Fest á Hvammstanga, Rabarbarahátíðin á Blönduósi og Seinasta sveitaballið hjá Greifunum í Miðgarði.

Fimmtudaginn 18. júní síðastliðinn fékk heilsugæslustöðin á Hvammstanga formlega afhent EKG tæki frá Hollvinasamtökum Heilbrigðisstofnunar Hvammstanga, Kvenfélaginu Freyju, Kvenfélaginu Iðju, Kvenfélaginu Iðunni, Kvenfélagi Staðarhrepps og Kvennabandinu.

Það kom fram í frétt um Fálkaorðuhafann Karónlínu Elísabetardóttur í Hvammshlíð í Feyki í gær að hún væri að undirbúa bændafund þar sem nýjustu niðurstöður í riðurannsóknum verða kynntar. Fundurinn verður í Húnaveri þriðjudaginn 30. júní og hefst kl. 18. Á fundinn mæta Christine Fast, verkefnastjóri alþjóðlega riðurannsóknarhópsins, og Stefanía Þorgeirsdóttir frá Keldum, en Vincent Béringue næmisérfræðingur og fleiri aðilar mæta til leiks í gegnum Zoom.